جمعت "اسبوعمزاد" أخوها "يومميار" و اصحابه و جيرانها للحكاية بتاعت باليل..
اسبوعمزاد: بص يا ننوس عين خالتك منك له..بالليل ده يعني ححكيلكو قصص جامدة..قصص مثيرة قصص مرعبة..قصص تخليكو ت....
يومميار: صوتوا؟؟
بصت "اسبوعمزاد" لأخوها الغلبان..و قالتله:
"مشيها تصوتوا..سيبني أكمل و ما تقاطعنيش بعد كدة يا حيلتها"
اسبوعمزاد: كان ياما كان..في قديم الزمان..كان فيه بلد حالتها ضنك..مفيش فيها مليم و لا فرنك..و كان ماسك البلد سلطان حلوف..و السرقة فيها كانت ع المكشوف..
و كان فيه ناس أمامير..مش عايزين يعيشوا حمير..فقرروا ما يصبروش كتير..و يشيلوا السلطان الحقير
جار اسبوعمزاد: هو انتي ما ينفعش تحكي من غير ردح؟؟
اسبوعمزاد: بص يا روحها ده أسلوبي..مش عاجبك عن اللي جابتك ما قعدت تسمع..ما تقعدش ترازيني هنا
جارها: خلاص اتكتمت أهو..أهو
اسبوعمزاد:(بنفس الأسلوب..ولا كأن حاجة حصلت) قاموا الناس الأمامير عملوا هيصة..و كانت زمبليطة و ليصة..و السلطان المغرور اتمرمط في القصور..و بدأ التفكير السعيد في العهد الجديد..
يومميار: ياه دي قصة حلوة أوي
أسبوعمزاد: اصبر يا ننوس..لسة الدنيا حتبوظ..
فضلوا شوية مع بعض حلوين..بعد كدة ما بقوش كويسين..و كل واحد عايزها بدماغه..و عايز يجيب للتاني داغه..
يومميار: وبعدين؟؟
أسبوعمزاد: ولا قبلين..طلع ناس بيحبوا السلطان الحمار..و قالوا:يخربيوتكو..ضيعتوا الإستقرار!
و فضلت خناقات بين الفريقين..و الناس في النص ما بقوش صابرين..
و قالوا..كفايا خناقات..الحل..نعمل انتخابات!
يومميار: و الفريقين..فضلوا يضربوا بعض؟؟
اسبوعمزاد: قالولهم اتحدوا يا ناس..حترجعوا السلطان النسناس..محدش سمع الكلام..و اتعملت الانتخابات و السلام..و صفت على واحد من الفريقين..ضد واحد تبع السلطان القديم..
يومميار: و رجع السلطان؟؟
اسبوعمزاد: ربك ستار..مرجعش الحمار..و كسب اللي من تاني فريق..و البلد هيصت صفير و تصفيق..
بس الفريقين فضلوا في خناقة..و البلد متسابة من غير سواقة..و اتباع السلطان متجمعين..يبوظوها و مش عارفين..
و الحاجة في البلد عمالة تبوظ..و البلد مفيهاش فلوس..
و الحصنة تخبط بني أدمين..و الطرق بايظة شمال و يمين..
و قالت أسبوعمزاد: لقد ظهر ديك البراري و توقفت أسبوعمزاد عن الحكاوي..خش نام يا ننوس عين خالتك منك له
يومميار و صحابه: عااااااا بقى عايزين نكمل القصة
اسبوعمزاد: اخلع ياض منك له روحوا على سرايركو..ياللا !
و الى لقاء أخر..مع حكاوي البلاوي
اسبوعمزاد: بص يا ننوس عين خالتك منك له..بالليل ده يعني ححكيلكو قصص جامدة..قصص مثيرة قصص مرعبة..قصص تخليكو ت....
يومميار: صوتوا؟؟
بصت "اسبوعمزاد" لأخوها الغلبان..و قالتله:
"مشيها تصوتوا..سيبني أكمل و ما تقاطعنيش بعد كدة يا حيلتها"
اسبوعمزاد: كان ياما كان..في قديم الزمان..كان فيه بلد حالتها ضنك..مفيش فيها مليم و لا فرنك..و كان ماسك البلد سلطان حلوف..و السرقة فيها كانت ع المكشوف..
و كان فيه ناس أمامير..مش عايزين يعيشوا حمير..فقرروا ما يصبروش كتير..و يشيلوا السلطان الحقير
جار اسبوعمزاد: هو انتي ما ينفعش تحكي من غير ردح؟؟
اسبوعمزاد: بص يا روحها ده أسلوبي..مش عاجبك عن اللي جابتك ما قعدت تسمع..ما تقعدش ترازيني هنا
جارها: خلاص اتكتمت أهو..أهو
اسبوعمزاد:(بنفس الأسلوب..ولا كأن حاجة حصلت) قاموا الناس الأمامير عملوا هيصة..و كانت زمبليطة و ليصة..و السلطان المغرور اتمرمط في القصور..و بدأ التفكير السعيد في العهد الجديد..
يومميار: ياه دي قصة حلوة أوي
أسبوعمزاد: اصبر يا ننوس..لسة الدنيا حتبوظ..
فضلوا شوية مع بعض حلوين..بعد كدة ما بقوش كويسين..و كل واحد عايزها بدماغه..و عايز يجيب للتاني داغه..
يومميار: وبعدين؟؟
أسبوعمزاد: ولا قبلين..طلع ناس بيحبوا السلطان الحمار..و قالوا:يخربيوتكو..ضيعتوا الإستقرار!
و فضلت خناقات بين الفريقين..و الناس في النص ما بقوش صابرين..
و قالوا..كفايا خناقات..الحل..نعمل انتخابات!
يومميار: و الفريقين..فضلوا يضربوا بعض؟؟
اسبوعمزاد: قالولهم اتحدوا يا ناس..حترجعوا السلطان النسناس..محدش سمع الكلام..و اتعملت الانتخابات و السلام..و صفت على واحد من الفريقين..ضد واحد تبع السلطان القديم..
يومميار: و رجع السلطان؟؟
اسبوعمزاد: ربك ستار..مرجعش الحمار..و كسب اللي من تاني فريق..و البلد هيصت صفير و تصفيق..
بس الفريقين فضلوا في خناقة..و البلد متسابة من غير سواقة..و اتباع السلطان متجمعين..يبوظوها و مش عارفين..
و الحاجة في البلد عمالة تبوظ..و البلد مفيهاش فلوس..
و الحصنة تخبط بني أدمين..و الطرق بايظة شمال و يمين..
و قالت أسبوعمزاد: لقد ظهر ديك البراري و توقفت أسبوعمزاد عن الحكاوي..خش نام يا ننوس عين خالتك منك له
يومميار و صحابه: عااااااا بقى عايزين نكمل القصة
اسبوعمزاد: اخلع ياض منك له روحوا على سرايركو..ياللا !
و الى لقاء أخر..مع حكاوي البلاوي
